Нәзарәткә яшь имамнар җыелды

12 ноябрь 2013 ел 14:02

Бүген ТР МДНдә мөфтинең беренче урынбасары Рөстәм хәзрәт Батыр җитәкчелегендә авыл җирлегендә эшләүче яшь имамнарга грант бирү комиссиясе утырышы үткәрелде. Комиссия составына мөфти урынбасарлары Илдар хәзрәт Баязитов, Рөстәм хәзрәт Хәйруллин һәм нәзарәтнең төрле бүлек белгечләре керде.

Утырыш барышында Яшел Үзән, Әтнә, Арча, Балтач, Саба, Теләче, Биектау, Лаеш, Югары Ослан, Балык Бистәсе, Кукмара районнары авылларында дини эшчәнлек алып баручы 40тан артык имамның   гаризалары каралды.  Аларның һәркайсын комиссиягә район имам-мөхтәсибе тәкъдим итте, аннары яшь имамнар үзләре белән таныштырдылар, авыл мәхәлләсе тормышы хакында сөйләделәр, эшләренә хисап тоттылар.

Белгәнебезчә, Камил хәзрәт Татарстан мөфтие булып сайлангач республика авылларында яшәүче һәм дини эшчәнлек алып баручы яшь дин әһелләренә матди яктан булышлык күрсәтү максатыннан 180 мең сум күләмендә грантлар бирелә башлады. Әлеге грантлар яшь имамнарга инде берничә мәртәбә бирелде. Грант алырга нәзарәткә мөрәҗәгать иткән һәр имамның эшчәнлеге комиссия тарафыннан тикшерелә, барлана.    

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана