Мөфтияттә чит ил кунаклары

29 октябрь 2013 ел 14:02

Бүген Татарстан мөфтие Камил хәзрәт Сәмигуллин Әл-Әзһәр университетының Палестин бүлеге ректоры  Исмәгыйль Бүлбүл һәм “Әл-Фәтх” институты ректоры, Дамаска мөфтие Габдулфәттах әл-Бизмә белән очрашты. Әлеге мөхтәрәм кунаклар Казанга РИУ ачылуга 15 ел тулу уңаеннан үткәрелүче чараларда катнашу ниятеннән килделәр.

Диния нәзарәтендә узган очрашу вакытында сүз фән һәм мәгариф өлкәсендә хезмәттәшлек итү хакында барды. Камил хәзрәт кунакларга “Хузур” нәшриятының гарәп телендә чыгарган басмалары, шулай ук нәзарәтнең башка проектлары хакында сөйләде. 

Кунаклар өйлә намазын нәзарәттә укыдылар.  Хәнәфи мәзхәбе мәдрәсәсе “Әл-Фәтх” ректоры Габдулфәттах әл-Бизмә биредә эшләүчеләргә мөрәҗәгать итеп, үзенең нәсихәтләрен, ихлас теләкләрен җиткерде һәм Татарстан мөселманнарына иминлек-бәрәкәт сорап дога кылды.

Иртәнге якта мөфти Камил хәзрәт РИУ чараларына килгән Бөтендөнья мөселман яшьләре ассамблеясе (Согуд Гарәбстаны) җитәкчесенең киңәшчесе Фәйсал Сәат бин Җибер белән очрашкан иде.  

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана