Камил хәзрәт дөньякүләм танылган китапханә белән танышты

21 август 2013 ел 10:19

Татарстан мөфтие Камил хәзрәт Сәмигуллин 18-23 август көннәрендә дини өлкәгә кагылышлы эшчәнлек тәҗрибәсен өйрәнү ниятеннән Төркиягә эшлекле сәфәр кыла.

20 августта хәзрәт дөньяның иң бай китапханәләреннән саналучы "Сөләймания" китапханәсендә булды.

Камил хәзрәт фикеренчә, әлеге китапханәдә Әбу Хәнифәнең моңа кадәр нәшер ителмәгән “Китабы җәннәт” (“Китабу рай”) дип исемләнгән кулъязмасы сакланырга тиеш. Кульязма урта гасырларда ук югалган санала. Китапханә хезмәткәрләре Камил хәзрәткә кульязманы табарга тырышачакларын әйттеләр.

Китаплар караганнан соң Камил хәзрәт библиотека җитәкчесе Гомәр Кузгун белән очрашты.  Алла боерса, ТР МДН төрек белгечләре белән берлектә иске-татар рухи мирасы ядкарләренең электрон нөсхәсен тулыландырачак һәм тәрҗемә итәчәк.

РИУ ректоры Рәфыйк Мөхәммәтшин мәгълүматлары буенча, татар дини рухи мирасын тәшкил итүче гарәп, татар, госман, фарсы телләрендәге китаплар саны 30 меңнән дә ким түгел.

Фоторепортаж: http://dumrt.ru/tt/node/9501

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана