Кайбычта ифтарларны уздырырга эшкуарлар да булыша

1  августта Кайбыч районы үзәк мәчетендә тәравих намазына йөрүчеләр өчен ифтар мәҗлесе оештырылды. Әлеге мәҗлестә 40тан артык кеше катнашты. Ифтардан соң Рамазан аена Төркиядән килгән Коръән хафиз Исмәгыйл хуҗа Кадер кичәсенең фазыйләтләре турында вәгазъ сөйләде. Бу чараның иганәчеләре урман хуҗалыгы директоры Илгиз Хаффаз улына, Җәләлиев Равилга, шәхси эшкуарлар Гарәфетдинова Гөлиягә һәм Халитов Зөлфәткә изге теләкләр теләп догалар кылынды. Райондагы барлык мәхәлләләрдә дә агрофермалар, җирле үзидәрә хезмәткәрләре һәм шәхси эшкуарлар ярдәме белән шушындый ифтарлар оештырылып килә.