Кукмарада мөслимәләр өчен лагерь оештырыла

18 июль 2013 ел 12:59

   Кукмара районы Өркеш авылы “Мәдинә” мәхәлләсендә 1 июньнән якын-тирә авыллардан җыелган 15 балага әдәб-әхләк, башлангыч дини белем бирү дәресләре оештырылды. 20 июньнән Казаннан, Әлмәттән килүчеләр өчен “Әниләр-бәбиләр” лагере эшләде. Бу көннәрдә 5-12 яшьлек балалары белән килгән әниләр дә, әбиләр дә дини белем алдылар, болын-тауларда йөрделәр, җиләк җыйдылар, спорт белән шөгыльләнделәр. Бүгенге көндә авылда дәгъвәт эше алып барыла. Мәчет төзелеше бара.

   1 августтан 15 яшьтән өлкән мөслимәләр өчен лагерь эшләячәк. Лагерьга барырга теләүчеләрне Казанда “Гадел” мәчете янында сәгать 9:00 дә автобус көтәчәк. Белешмәләр өчен телефон: 8 (843) 6430583.

   11 августта Рамазан ае хөрмәтенә зур бәйрәм – мөселманнар җыены үткәрелә. Мөнәҗәтләр, спорт ярышлары, конкурслар оештырылачак.

   Мәхәлләдә җәй буе практикага кайткан “Ислам динен кабул итүгә 1000 ел” исемендәге КЮММ шәкерте Равил Галимов лагерь эшләрен оештыруда зур тырышлык куя, дип хәбәр итә мәдрәсә мөгаллимәсе Фәния ханым Җәләлиева.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана