Татарстан Диния нәзарәте вәкилләре Казахстанга сәфәр кылды

06 май 2013 ел 16:22

Татарстан мөселманнары Диния нәзарәте делегациясе Астана шәһәрендә уздырылган “Казахстан- уртак йортыбыз” халыкара конференциясеннән кайтты. Конференцияне Казахстанның дин эшләре буенча агентлыгы Казахстан халыклары ассамблеясе белән берлектә уздырды. Чарага Россиянең, Казахстанның, Кыргызстанның, Төркиянең, Монголиянең һәм башка илләрнең күренекле дин әһелләре чакырылган иде.

Татарстаннан мөфтинең беренче урынбасары Рөстәм хәзрәт Батыр, баш казый Җәлил хәзрәт Фазлыев, Казан имам-мөхтәсибе Мансур хәзрәт Җәләлетдин барды. Конференциядә катнашудан тыш Татарстан делегациясе Казахстанның баш мөфтие Ерҗан Маямеров белән очрашты. Очрашу вакытында татар дин әһелләре Казахстан мөселманнарына мөфти Камил хәзрәт Сәмигуллин сәламен җиткерделәр, Татарстанда Ислам үсеше, нәзарәтнең эшчәнлеге турында сөйләделәр.

Шулай ук Астана шәһәрендә мөфтинең беренче урынбасары Рөстәм хәзрәт Батыр Казастан Республикасы дини эшләр буенча агентлыгы рәисе Кайрат Лама Шәриф белән очрашты. Бу очрашу вакытында дин әһелләре хәнәфи мәзхәбен өйрәнү, ныгыту, экстремизмга каршы көрәш һәм нәшрият өлкәсендә хезмәттәшлек итү турында сөйләштеләр.  

Эшлекле сәфәр вакытында Рөстәм хәзрәт Батырның «Абу-ХанифаЖизнь и наследие» дип атлаган китабы Казахстанда яңадан бастырылуы мәгълүм булды. Озакламый әлге китапның казах теленә тәрҗемә ителүе көтелә. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана