Кол Шәриф мәчетендә Мәккәгә багышланган күргәзмә эшли

26 апрель 2013 ел 12:28

25 апрельдә Кол Шәриф мәчетендә “Әл-Харам” мәчете төшерелгән көмеш маркалар коллекциясе күргәзмәсе ачылды. Әлеге проектның авторы - «ВТ» («WT») компаниясе.

“Көмеш Мәккә: хаҗ билгесе Мәскәү акча сугу йорты көмеш маркаларында” дип аталган күргәзмәне ачу тантанасынды  “Казан Кремле” музей-тыюлыгы директоры урынбасары Марат Гатин, Татарстан мөфтие урынбасары Рөстәм хәзрәт Хәйруллин, нәзарәтнең Кол Шәриф мәчетендәге вәкиле Илфар хәзрәт Хәсәнов, «ВТ» («WT») компаниясе вәкилләре катнашты.

Рөстәм хәзрәт күргәзмә ачылышында катнашучыларны нәзарәт һәм шәхсән үз исеменнән сәламләде. Мәккә һәм Мәдинәнең һәр мөселман күңеленә якын булуы, мөһимлеге турында сөйләде. Күргәзмәгә куелган экспонатларның да шушы изге урыннарны чагылдыруы һәм Казаныбызда тәкъдим ителүе янә бер кат мөселманнар дөньясына игътибар юнәлтү булып тора.

Күргәзмәгә Изге Мәккәгә багышланган барлыгы 40 марка куелды. Алар 2013 елда махсус технология белән көмештән Мәскәү акча сугу йортында эшләнгән. Төп нөсхәләре булып 24 мөселман илендә төрле елларда  дөнья күргән почта маркалары тора. 17 марка Согуд Гәрәбстанында басылган.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана