Инкыйлабка кадәрге мөселман шәһәр төзелеше бүгенге көнгә кайтырмы?

27 март 2013 ел 16:59

27 мартта Татарстан Фәннәр Академиясендә «Иман» мәркәзе «Хөсәен Әмирхан: 1917 елгы инкыйлабка кадәр татар-мөселман шәһәр инфраструктурасы» дип аталган түгәрәк өстәл оештырды. 

Фәнни җыенда «Иман» мәркәзе җитәкчесе  Наил хәзрәт Гарипов, галимнәр Азат Ахунов, Илдус Заһидуллин, Сәет- Дамир Шәһәвиев, Илшат Гыймадиев, Ринат Нәбиев, Камил Әхсанов, РИУ ректоры Рәфыйк Мөхәммәтшин, мөфти урынбасары Рөстәм хәзрәт Батыр, Дәүләт Советы депутаты, Татар конгрессының Казан бүлеге рәисе Фәрит Мифтахов, Казан мэриясе вәкилләре, җурналистлар катнашты.

Түгәрәк өстәлдә катнашучылар Хөсәен Әмирханның тарихи-дини мирасын өйрәнү, популярлаштыру, шәһәр мәхәллә системасын булдыру һәм үстерү, бүгенге мәчет-мәдрәсәләрнең торышы турында фикер алышты. Наил Гарипов белдергәнчә, тарихи мирасны өйрәнеп, тәҗрибәдә  кулланмый торып, бүгенге мөселман өммәте проблемаларын хәл итеп булмаячак

Депутат Фәрит Мифтахов исә «Җыен» фондында Хөсәен Әмирханга багышланган китап чыгарырга чакырды.

2013 елда дин әһеле, тарихчы, «История Булгарии» («Тәварихе Болгария», 1883г.), «Звёзды истории» («Неҗүмет-тәварих», 1884г.) китаплары авторы, Иске таш мәчете имам-хатыйбы Хөсәен Әмирхан улы Әмирханның вафатына 120 ел тулды. Хөсәен Әмирханов шәһәр мәхәлләсе, татар-мөселман мәгарифен формалаштыруда зур роль уйнаган шәхес, дип хәбәр итә musulman.su .

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана