Түбән Камада яңа мәчет гөмбәзе эчтән тышланды

21 февраль 2013 ел 12:59

Түбән Камадагы яңа мәчет төзелешенең чираттагы өлеше тәмамланды. Гөмбәзнең эчке ягы гипс-картон белән тышланды. Бу эшне  бер ай ярым эчендә өч белгеч: Рамил Яманколов, Илдар Нотфуллин, Андрей Лашманов башкарды. Эчке яктан тышлау өчен барлыгы 400 табак утка чыдамлы картон тотылды. Төзелеш материалы гөмбәз рәвешен алсын өчен төзүчеләргә  шактый вакыт исәп-хисап ясарга туры килде. Төзелеш прорабы Камил Шәрәфетдинов сүзләренә караганда, алга таба гөмбәзне сылап тигезләү һәм аңар махсус төзелеш материалы ябыштыру каралган. Шуннан соң рәссам-бизәүчеләр эшкә тотыначак.

 

Алла боерса, мәчетнең тышкы яктан да төзелеш эше озакламый тәмамланыр. Чиләбедән килгән төзүчеләр  манарага чатыр ясау эше белән мәшгуль. Алар үзенчәлекле материал – нитротитанны файдаланалар. Сыйфаты буенча ул сусаль алтыннан яхшырак. Түбән Каманы  ярты гасыр үзенең ялтырап торуы белән бизәр дип көтелә.

Чатырны манарага якынча бер атнадан соң урнаштырырга җыеналар.

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана