Әгерҗедә Мәүлид аена багышланган бәйгегә йомгак ясалды

25 гыйнвар 2013 ел 15:56

Әгерҗе мөхтәсибәте район күләмендә Мәүлид ае уңаеннан балалар һәм өлкәннәр арасында Пәйгамбәребезгә (аңа Аллаһның рәхмәте һәм сәламе булсын!) багышланган бәйге игълан иткән иде. 25 гыйнварда Әгерҗенең “Хәсән” мәчетендә әлеге бәйгегә йомгак ясалды һәм Мәүлид мәҗлесе уздырылды. Мөхтәсибтән хәбәр итүләренә караганда, бәйгедә катнашучы балалар Мөхәммәд Пәйгамбәргә (аңа Аллаһның рәхмәте һәм сәламе булсын!) багышланган шигырьләр сөйләгәннәр, ә өлкәннәр мөнәҗәтләр әйткәннәр.  Җиңүчеләргә "Ногмани Коръән тәфсире", “Пәйгамбәрләр тарихы”, мөнәҗәтләр китабы, шулай ук  дини мультфильм дисклары бүләк итеп бирелгән.

Мәүлид ае чаралары районның бик күп мәчетләрендә, авылларында уздырыла. Үткән елларга караганда да алар оешканрак төстә узуын билгеләп үттеләр. Бу мәҗлесләрдә имамнар, җирлек халкы белән бергә рәсми вәкилләр дә  катнаша. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана