Лаеш мөхтәсибәтендә Мәүлид бәйрәмнәре үтә

Лаеш районы авыллары мәчетләрендә Мәүлид бәйрәмнәрен уздыралар. Бүген, 23 гыйнварда Сөекле Пәйгамбәребезгә (с.г.в.) багышланган кичәләр Лаешта, Кече Елга, Татар Янтыгы авылларында оештырылган. Бәйрәмгә авыл халкы, мәчетләргә йөрүчеләр җыелган. “Бәйрәм чараларында авыл имамнары вәгазьләр укыды, мөнәҗәтләр әйтелде. Шундый ук бәйрәм бу атнада җомга көнне Пәрәвә авылында да үткәреләчәк”, - дип хәбәр итте Лаеш районы имам-мөхтәсибе Рәфкать хәзрәт Гатауллин.