Казан ислам көллиятендә һәр пәнҗешәмбедә Изге Коръәнне хәтем кылалар

“Хәзинәт әл-Әсрар” китабында “Коръәнне хәтем кылучы өчен алтмыш мең фәрештә дога кылыр” дигән хәдис китерелә. Шулай ук Коръәнне хәтем кылганны тыңлаучыларга, хәтем кылуның башында булучыларга зур саваплар язылуы җиткерелә. Коръәнне хәтем кылу изге китапны башыннан ахырына кадәр укып чыгуны аңлата. Һәр пәнҗешәмбе ястү намазыннан соң Казан ислам көллияте бинасында шәкертләр Коръәнне тулысынча укыйлар. Мөгаллим һәр шәкерткә Коръәннең бер бүлеген бирә һәм бер сәгать эчендә Коръән хәтем кылына. Хәтем кылганнан соң хәтем догасы кылылар.