“Иман” мәркәзе “Апанай” мәчетендә ишетмәүчеләрне исламга өйрәтә башлый

04 декабрь 2012 ел 09:45

“Иман” ислам мәдәнияте мәркәзе Казанның “Апанай” мәчетендә мәчет-мәхәллә игътибарыннан читтә калган социаль группаны - ишетмәүчеләрне ислам нигезләренә өйрәтү эшен башлап җибәрә.

Бу турыда “Иман” мәркәзе җитәкчесе, “Апанай” мәчете имам-хатыйбы Наил хәзрәт Гарипов Татарстанның ишетмәүчеләр җәмгыяте рәисе Венера Матеш белән очрашып сөйләште. Шулай ук “Иман” мәркәзе “Апанай” мәчетендә 40лап ишетмәүче өчен Корбан ашы оештырды. Наил хәзрәт Гарипов белдергәнчә, ишетмәүчеләр белән эшләү - “Иман” мәркәзенең яңа эш юнәлешләренең берсе булачак, бу эшчәнлек инвалидларга җәмгыятьтә үз урынын табарга булышачак.

 Ишетмәүчеләрне 15 ел дәвамында беренче тапкыр мәчеткә кунакка чакырганнары да билгеле булды. Аш вакытында Наил Гарипов инвалидлар өчен ислам дине турында вәгазь сөйләде. Намаз уку, гаилә кору мәсьәләләренә тукталды. Сөйләшү тәрҗемәче аша барды. Мәҗлестән соң инвалидлар “Касыймия” мәдрәсәсендәге Вәлиулла хәзрәт Якупов музее белән танышты.

Очрашу вакытында ишетмәүчеләр ислам динен өйрәнү теләкләре барлыгын белдерде. Әмма алар татар телен белми, аларны укыта алырлык ислам дине белгечләре дә юк. Наил хәзрәт Гарипов ишетмәчеүләр җәмгыятенә “Иман” мәркәзе ярдәмендә курслар башлау тәкъдимен әйтте. Шулай ук “Иман” мәркәзе ишетмәүчеләр белән сөйләшергә, аларны өйрәтерлек имам укытырга җыена.

www.musulman.su

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана