Әгерҗе районы Кырынды авылы мәчете 20 еллыгын билгеләп үтте

22 ноябрь 2012 ел 12:43

21 ноябрьдә Әгерҗе районының Кырынды авылындагы беренче мәхәлләдә, мәчетнең 20 еллыгы уңаеннан, бәйрәм тантанасы үтте, дип хәбәр итә район мөхтәсибәте. Район күләмендә зурлап үткәрелгән әлеге чарада авылдан чыккан якташлары да катнашкан, араларында Казан, Ижау, Мәскәү, Себер якларыннан да кешеләр булган.

Бәйрәм уңаеннан Корбанлык итләреннән аш әзерләнгән, Коръән укылган, вәгазьләр сөйләнгән, авыл һәм мәчет тарихына кагылышлы фотоларны бергәләшеп караганнар. Юбилей тантанасында Әгерҗе районы имам-мөхтәсибе Хәлим хәзрәт Якупов, Кырынды авылының икенче мәхәлләсе имам-хатыйбы Мөбин хәзрәт Кәлимуллин да катнашкан. 20 еллык тарихы булган мәчетнең имамы Зөлфир хәзрәт Зарипов тантананы бик матур итеп алып барган.

Бәйрәм тантанасында 200гә якын кеше катнашкан. Районның барлык авыл имамнары да, юбилей уңаеннан, мәчеткә акчалата бүләк ясаганнар. 60 мең җыелган “бүләк”кә якын киләчәктә авыл зияратының коймаларын яңартырга ниятлиләр.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана