Корбан гаетен Каенлык авылы халкы яңа мәчеттә бәйрәм итәчәк

21 октябрьдә Татарстан Республикасының Биектау районы Каенлык авылында "Хәсән-Хөсәен" мәчете ачылу тантанасы үткәрелә. Мәчетне Биектауда гомер кичерүче Балтач егете Габделнур Хөсәенов төзеткән. Тантанага Татарстанның баш казые, күпсанлы дин китаплары авторы Җәлил хәзрәт Фазлыев,  Габделнур әфәнденең әтисе Хәсән Хөсәенов , район җитәкчеләре һәм башкалар чакырылган. Мәчет күп еллар дәвамында Борбаш, Сәрдегән авылы мәчетенең мәзине булып торучы Хәсән ага исемен йөртәчәк. 

Мәчет ачылышының  тантаналы өлешен оештыручы, бәйрәмнәр алып баручы Гамил Нур хәбәр иткәнчә, мәчет бинасы ике катлы. Ул  үз эченә гыйбадәт залыннан тыш, башлангыч мәдрәсә һәм аш бүлмәсен алып тора. Кызыл кирпеч белән тышланган бу бина Ислам мәдәнияте үзәге ролен үтиячәк.