«Алтын Урта» яңа сезонын ачты

07 сентябрь 2012 ел 11:54

2012 елның 6 сентябрендә Казан шәһәренең “Мәрҗани” мәчетендә мөселман яшьләренең “Алтын Урта” җәмгыятенең 3нче сезонын ачу тантанасы булды.

Чара мәчетнең конференц-залында үтте. Башта РИУ шәкерте Илнур Нуриев Коръәннән аятьләр укыды, соңыннан “Сорнай” һәм Рәдиф Әхмәдиев башкаруында мәнәҗәтләр тыңладылар, «Libertas» төркеме катнашучыларга рэп укыды. Шулай ук Рафис Сәйфуллин Бөгелмә шәһәрендәге “Алтын Урта” төркеменең филиалы эшчәнлегенең һәм ТР мөселманнары Диния нәзарәтенең Хәйрия һәм ярдәм күрсәтү бүлеге эшчәнлекләренең презентациясен күрсәтте. Чараны Диния нәзарәтенең яшьләр бүлеге белгече Акйолдыз алып барды.

Сезон ачылышында ТР МДНнең аппарат җитәкчесе Ришат Хәмидуллин, “Мәдинә” мәчете мөэзине Сираҗетдин Нәбиев та чыгыш ясадылар. Кунаклар арасында Бөтендөнья татар яшьләре форумы рәисе Тәбриз Яруллин, яшь шагыйрь Фәнил Гыйләҗев та бар иделәр.

ТР Мөфтие исеменнән республикабызның актив яшьләренә – Айнур Солтановка, Ләйсән Фәтхетдиновага, Рафис Сәйфуллинга, Фәрхәд Миңнехановка, Илнур Нуриевка, Рафис Гайнетдиновка, Сөембикә Саттаровага, Камил Шәриповка, Рөстәм Смирновка, Хәдичә Хәйдәрәлиевага, Венера Гәләветдиновага – күп чараларны башлап йөрүләре өчен, рәхмәт хатлары тапшырылды.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана