Мөселман уку йортлары җитәкчеләренең киңәшмәсе узды

24 август 2012 ел 12:53

2012 елның 24 августында Диния нәзарәтендә ТР мөселман уку йортлары җитәкчеләренең киңәшмәсе булып узды.

Киңәшмәдә ТР Мөфтиенең вазыйфаларын вакытлыча башкаручы Габдулла хәзрәт Әдһәмов, Россия ислам университетының фәнни эшләр проректоры Рөстәм хәзрәт Батров, “Мөхәммәдия” югары мөселман мәдрәсәсе ректоры Наил хәзрәт Яруллин, Ислам динен кабул итүгә1000 ел исемендәге мәдрәсә ректоры Ильяс хәзрәт Җиһаншин, Казан ислам көллияте проректоры Нияз хәзрәт Сабиров, Ютазы районы Урыссу шәһәр тибындагы поселогындагы “Фәнис” мәдрәсәсе директоры Марат хәзрәт Мәрданшин, Яр Чаллыдагы “Ак мәчет” мәдрәсәсе директоры Рөстәм хәзрәт Шәйхевәлиев, Әлмәт мәдрәсәсе директоры Энҗе Хәсәншина, Буа мәдрәсәсе директоры Рәшид хәзрәт Маликов, Кукмара мәдрәсәсе директоры Ришат хәзрәт Курамшин, Түбән Камадагы “Рисалә” мәдрәсәсе директоры Рәфыйк хәзрәт Исламгалиев, Мамадыш мәдрәсәсе директоры Габдрахман хәзрәт Хисматуллиннар катнашты.

Җитәкчеләр уку йортларындагы бүгенге ситуация белән таныштырдылар, уку-укыту процессын оештыру мәсьәләләре буенча фикер алыштылар һәм сыйфат, шәкертләр санын яңа дәрәҗәгә күтәрү буенча тәкъдимнәрен җиткерделәр.

Шулай ук киңәшмә кысаларында Габдулла хәзрәт Әдһәмовның мәдрәсәләр өчен “Гакыйдә” (ислам тәгълиматы) һәм Марат хәзрәт Мәрданшинның урта мәктәп өчен “Ислам тарихы” әсбабына презентация булды. Китапларның икесе дә киң җәмәгатьчелеккә адресланган.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана