"Мин ураза тотам" акциясе үткәрелде

17 август 2012 ел 11:42

16 августта Татарстан мөселманнары Диния нәзарәтенең яшьләр белән эшләү бүлеге “Мин ураза тотам” акциясен оештырды. Яшь буынны ислам диненә җәлеп итү, Рамазан аеның әһәмиятлелегенә басым ясау максатыннан үткәрелгән чара кысаларында “Мин ураза тотам” шигаре астында Казан урамнарында автомобильләргә ябыштыргычлар, шулай ук значоклар таратылды. Әлеге акциядә катнашучы бер төркем яшьләр Бауман урамындагы сәгать каршында, Муса Җәлил һәйкәле янында, Уң Болак урамында узып баручыларга Рамазанны искә төшереп, изге айны хәтерләтеп торучы истәлек бүләкләрен - 500гә якын значок һәм ябыштыргыч бирделәр, якынлашып килүче Гает бәйрәме белән котладылар.

Сәгать 17.30да башланган чарадан соң яшьләр ифтарга "Дворянское гнездо" ресторанына җыелды. Ифтар мәҗлесендә ТР МДН вәкилләре һәм 30 га якын яшь мөселман катнашты. Мөфти вазыйфаларын башкаручы Габдулла хәзрәт Әдһәмов яшьләргә динебез кыйммәтләре турында вәгазь сөйләде, хәдисләрне искә төшерде. “Аллаһы Тәгаләгә шөкер итүчеләр булып яшәргә язсын, күңелләребездән рәхим-шәфкать китмәсен”, - дип үгет-нәсихәтләрен җиткерде.

“Мин ураза тотам” акциясендә катнашкан яшьләр үзләре дә бүләксез калмады. Аларга Илдус хәзрәт Фәиз исеменнән дини китаплар бүләк ителде. 

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана