Мөфти Илдус хәзрәт Фәиз төрле илләрнең дин белгечләре белән очрашты

13 июль 2012 ел 13:33

12 июльдә Татарстан мөселманнары Диния нәзарәтендә мөфти Илдус хәзрәт Фәиз төрле илләрнең ислам динен өйрәнүче белгечләре белән очрашты. Моңа кадәр галимнәр, динне өйрәнүчеләр Төркиядә һәм Украинада булганнар. 20 белгечтән торган делегация чираттагы сәфәрен Татарстанга  кылырга булган.

Делегация составында Россия, Украина, Казахстан, Әзербайҗан, Америка һәм Татарстанның өч Ислам белгече бар. Алар мөфти белән очрашу һәм аңар үзләрен кызыксындырган сорауларны юллау мөмкинлеге тууга шатлануларын белдерделәр. Илдус хәзрәт кунакларга республикада дини белем үсеше, алгарышлары, нәзарәтнең республика җитәкчелеге белән үзара мөнәсәбәте, нәзарәт тарафыннан алып барылган яшьләр сәясәте, Татарстандагы динара багланышлар, дин әһелләренең матди ягын кайгырту һәм башкалар турында сөйләде.  

Белгечләр Илдус хәзрәттән кайсы дин галимнәренә өстенлек бирүе һәм Татарстан мөфтиятенең Оренбург судының ислам китапларын тыйган карарына карата мөнәсәбәте белән дә кызыксындылар. Илдус хәзрәт галимнәр тарафыннан яңгыраган барлык сорауларга да җентекләп җавап бирде, Ислам турындагы фәнни хезмәтләр  республиканың, Россиянең һәм гомумән, дөньяви культураның мөһим бер ягы икәнлеккә басым ясады. Төрле илләрнең белгечләре белән менә шушылай очрашып фикер алышуга шатлануын әйтте.

Фоторепортаж: http://dumrt.ru/tt/node/4736

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана