“Әҗем” мәчете мөселман балаларын лагерьга чакыра

9 июльдә Казанның “Әҗем” мәчетендә кыз һәм ир балалар өчен мөселман лагере үз эшен башлап җибәрәчәк. Мәчетнең имам-хатыйбы Сибгатулла хәзрәт Минаҗетдинов хәбәр иткәнчә, уку-укыту эшләрен алып баруга “Ак өмет” пансионаты, Россия ислам университеты, “Зәңгәр” мәчеттән шәкертләр һәм дин әһелләре җәлеп ителгән. Бүгенге көндә 20ләп бала әлеге мәчет каршындагы лагерьда ял итәргә һәм дини гыйлем алырга теләк белдергән. Дини укулардан тыш, Казан шәһәренең тарихи мәчетләренә экскурсияләр оештыру да планда бар, диде Сибгатулла хәзрәт.