Кайбыч районы зияратларында өмәләр үтте

Шушы көннәрдә Кайбыч районының барлык зияратларында да чистарту өмәләре оештырылды. Әлеге изге эштә туган җиренә, ата-бабалары җирләнгән урыннарның чисталыгына битараф булмаган һәркем катнаша алды. Зияратларда чүпләрне ягу катгый тыелганлыктан, киселгән агачларны, чүпләрне чыгаруның техник ягын җирле администрация үз өстенә алган иде. Әлеге чара һәр ел саен үткәрелеп килә, шулай да алдагы елдагылардан аермалы буларак, бу елда чистарту өмәсендә катнашучылар да күп иде һәм администрация тарафыннан зур ярдәм күрсәтелде.