Туфан ага арабыздан китте

02 май 2012 ел 13:24

Татарстан мөселманнары Диния нәзарәте кисәк гомере өзелгән язучы, җәмәгать эшлеклесе Туфан ага Миңнуллинның якыннарының, туганнарының кайгысын уртаклаша.

Җәмәгать эшлеклесе, танылган язучы Туфан Миңнуллин татар халкы өчен җан атып яшәгән һәм милләткә күп эшләр башкарган олуг шәхес иде. Туфан ага рухи, дини-әхлакый кыйммәтләрне пропагандалаган классик әсәрләрдән торган бай мирас калдырды. Ул әдәби әсәрләре аша әдәп, иман ныклыгы, кешелеклелек кебек күркәм сыйфатларны тәрбияләргә омтылды. Туфан ага дини вәзгыятькә дә битараф түгел иде. Соңгы елларда төрле сәхнәләрдә аның “Мулла” әсәре куелды. Әлеге пьеса дин әһелләре тормышына, проблемаларына һәм динебезне саклауга аерым игътибар юнәлтте.

Киң кырлы иҗаты белән татар әдәбиятына зур өлеш керткән, иҗтимагый, мәдәни, милли проблемаларны хәл итүдә ару-талуны белми эшләгән аксакал язучыбызның арабыздан китүе татар халкы өчен зур югалту. 

Татарстан мөселманнары Диния нәзарәте республика мөселманнары исеменнән мәрхүмнең якыннарының, туганнарының тирән кайгысын уртаклаша. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана