2012 елның 2 апрелендә Төмәндә булган самолет фаҗигасенә бәйле рәвештә Мөфтинең кайгы уртаклашуы

03 апрель 2012 ел 09:18

ТР мөселманнары Диния нәзарәте һәм шәхсән үз исемемнән 2 апрельдә Төмәндә булган авиафаҗигә корбаннарының гаиләләренең һәм якыннарының тирән кайгысын уртаклашам. Әлеге фаҗига аерым бер гаиләләргә килгән кайгы гына түгел, барыбызны борчуга салып, зур сызлану тоярга мәҗбүр итте. Һәлак булучыларның гаиләләре һәм якыннарының кайгыларын уртаклашып, Аллаһыдан аларга сабырлык, ныклык һәм түземлек сорыйбыз. Һәлак булучыларга җан тынычлыгы, авыр җәрәхәт алучыларга тиз көннәрдә савыгуларын телибез. Мондый вакытта яшәүнең бер көнлек, гомернең бер мизгел булуын һәм кайгы уртаклашырга сүз табуы кыен икәнен аңлыйсың. Аллаһы Тәгаләдән фаҗигадә зыян күрүчеләргә рәхим-шәкатеннән аермавын, алдагы көннәребездә һәрбарчабызны да мондый зур сынаулардан һәм югалтулардан саклавын сорыйбыз.

Ихтирам белән,

Үзәкләшкән дини оешма –

ТР мөселманнары Диния нәзарәте рәисе,

Мөфти                                                                                                              Илдус хәзрәт Фәйзов

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана