Коръән бәйгесе: Әлмәттә

02 апрель 2012 ел 15:12

31 мартта Әлмәт шәһәренең “Зур Казан” сәүдә-ял үзәгендә, Коръән елы кысаларында, өлкән яшьтәгеләр – ун шәһәр мәчете мәхәллә халкы – арасында Коръән уку бәйгесе узды. Үткәрелгән чарада 50дән артык кеше катнашты. Әлеге бәйгене Әлмәт шәһәре мөхтәсибәте уздырды. Коръән уку бәйгесе өлкән яшьтәгеләр арасында беренче тапкыр уздырыла. Әлмәт районы имам-мөхтәсибе Рәфыйк хәзрәт Миннәхмәтов үзенең сәламләү сүзендә Коръән укуның һәм ятлауның әһәмиятлелеген искәртеп үтте. Катнашучылар Коръән сүрләрен тәҗвид кагыйдәләре буенча яттан укырга тиешләр иде. Шулай ук конкурсантларның тышкы яклары да исәпкә алынды. Жюри составын шәһәр мәчетләренең имам-хатыйблары билгеләде.

Бәйгенең җиңүчеләре дип түбәндәгеләр табылды:

1 урын – Шириязданов Шәүкәт

2 урын – Хәмидуллин Рәхимҗан

3 урын – Мирсәгыйтов Наил

Җиңүчеләргә – дипломнар һәм Изге Коръән, катнашучыларга истәлекле бүләкләр тапшырылды.

 

 

         

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана