Россия ислам университетында – ачык ишекләр көне

08 февраль 2012 ел 12:00

19 февральдә Россия ислам университетында ачык ишекләр көне үтәчәк. Чара 319нчы аудиториядә узачак. Башлану вакыты: 11.00.

Илебезнең алдынгы мөселман уку йортына керергә теләүчеләрне Россия ислам университетына чакырып калабыз!

Россия ислам университеты, татар халкының революциягә кадәрге мәгариф традицияләрен яңартып, замана таләпләренә туры килә торган югары сыйфатлы ислам белгечлеге алырга чакыра.

Бүгенге РИУ – инновацион ислам мәгарифе, үз эченә дини тәгълиматне генә түгел, дөньяви фәннәрне дә ала. Биредә Россиядә генә түгел, Мисыр, Сирия, Төркия, Малайзия, Тунис, Йемен, Согуд Гарәпстаны һ.б. чит илләрдә белем алган галимнәр һәм белгечләр укыта.

РИУ китапханәсендә татар, рус, төрек һәм башка телдәге әдәбият тупланган.

Уку йортында ике төп факультетта (теология һәм ислам фәннәре) гыйлем бирелә. Теология факультетында теология, лингвистика, икътисад һәм журналистика белгечлеге буенча белем алып була. Ислам фәннәре факультетында “Ислам дин тәгълимате” белгечлеге буенча дин әһелләре әзерләнә.

Университетта укудан тыш студентлар өчен төрле дебатлар, бәйгеләр, фестивальләр, спорт ярышлары даими оештырыла, танылган галимнәр, сәясәтчеләр, дин әһелләре белән очрашулар үткәрелә.

Университет зур заманча бинада урнашкан: аудиторияләр, компьютер класслары, спорт һәм акт заллары, тулай торак һәм ашханәсе бар.

 Көндезге бүлектә укучы студент егетләргә хәрби хезмәтне кичектереп тору мөмкинлеге бар.

Чит өлкәләрдән килгән студентларга тулай торак бирелә.

РИУ турында күбрәк мәгълүмат беләсегез килсә, 19 февральдә сәгать 11.00дә Ачык ишекләр көненә рәхим итегез.

 

http://www.islam-portal.ru

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана