“Йөрәктән – йөрәккә” акциясе

31 гыйнвар 2012 ел 12:34

ТР мөселманнары Диния нәзарәте, “Европа+” радиосы белән берлектә, “Йөрәктән – йөрәккә” акциясен башлап җибәрде. Акция 2012 елның 1 февраленнән 1 мартына кадәр дәвам итәчәк.

Югары Осландагы картлар һәм инвалидлар интернат-йортына олылар өчен подгузниклар, урын-җир әйберләре, гигиена чаралары кирәк. Әлеге акция дә мохтаҗларның хәлләрен җиңеләйтү максатыннан, аларга ярдәм йөзеннән оештырыла.

Бүгенге көндә Югары Ослан интернат-йортында 85 инвалид бар, шуларның 33-е – урын өстендә ятучы, карауга мохтаҗ картлар.

Мөхәммәд пәйгамбәребез (сгв) үзенең бер хәдисендә: “Әгәр кеше башка берәүгә хәер бирү яисә якын кешесенең хәлен белү өчен ишеген ачса, Аллаһы Тәгалә малының бәрәкәтен аттырыр”, ди.

Ярдәм кулын сузарга теләүче барлык кешеләрне дә Казан шәһәре, Лобачевский урамы, 6/27 йорт, 7 кабинет адресы буенча Диния нәзарәтенең хәйрия һәм ярдәм күрсәтү бүлегендә көтеп калабыз. Белешмәләр өчен телефон: 8-987-263-98-89 (Гөлнара).

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана