Бөгелмәдә – балалар лагере

05 гыйнвар 2012 ел 21:26

2012 елның 3 гыйнваренда Бөгелмә шәһәрендә мөселман балалары өчен кышкы лагерь ачылды. Ул шәһәрнең Җәмигъ мәчетендә һәм аның янындагы башлангыч мәдрәсәдә үтәчәк. Лагерь иртәнге сәгать уннан көндезге икегә кадәр эшли.

Балаларны югары дини мәдрәсә тәмамлаган егетләр һәм кызлар тәрбияли. Биредә балалар ислам дине нигезләрен үзләштерәчәк, эчкечелеккә һәм наркоманиягә каршы тору юнәлешендәге әхлак кагыйдәләрен ныгыта төшәчәк. Барлык чаралар да яшүсмерләрне социаль явызлыклардан йолып калу максатыннан чыгып үткәрелә, аның нигезендә гөнаһлы эш-гамәлләрнең ятуы төшендерелә. Шулай ук балалар күп төрле уеннарда катнаша, әйтик, аларның иң яраткан шөгыле – мәчет каршындагы таудан шуу. Бу “уен”ны зурлар да үз итә.

Хәзерге вакытта лагерьга төрле яшь категориясендә булган утыздан артык бала йөри. Бөгелмә шәһәре һәм Бөгелмә районы мөхтәсибәтенең яшьләр белән эшләү бүлеге оештырган мондый лагерь үз эшен 9 гыйнварга кадәр дәвам итәчәк.

   

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана