string(35) "http://dumrt.ru/news/news_7397.html"
26.09.2011 13:55

2011 елның 27 сентябрендә 10.00дә  Россия ислам университетының (Казан шәһәре, Газ урамы, 19 йорт) актлар залында мәчет каршында дини гыйлем бирүче мөгаллимнәрнең I Республика киңәшмәсе үтәчәк.

Киңәшмә үзалдына түбәндәге максат-бурычларны куя:

  • Ислам дине гыйлеменең укыту сыйфатын үстерү,
  • конфессия- һәм халыкара бердәмлек моделен ныгыту,
  • мөселман уку-укыту берләшмәсен модернизацияләү процессына кертеп җибәрү.

Үткәреләсе чарада мәчет каршында дини гыйлем бирүче мөгаллимнәр өчен программа презентациясе дә күрсәтеләчәк.

Киңәшмәдә ТР Мөфтие Илдус хәзрәт Фәйзов, ТР фән һәм мәгариф министрлыгы вәкилләре, Татарстан Президенты каршындагы дин эшләре идарәсе башлыгы җитәкчесе Марат Гатин, ТР Мәгарифне үстерү институты ректоры Елена Собельцина, ТР  иҗтимагый палата рәисе Илгиз Хәйруллин, Казан Федераль (Идел буе) университетеның педагогика һәм психология институты директоры Айдар Кәлимуллин, ТР Дәүләт Советының мәдәният, фән, мәгариф һәм милли мәсьәләләр комитеты рәисе Разил Вәлиев һ.б. шәрәфле кунаклар катнашачак.