“Яхшылык – тормыш ул” ярминкәсе үзенең эшчәнлеген тәмамлады

02 сентябрь 2011 ел 17:29

2011 елның 2 сентябрендә ТҖ МДНнең хәйрия һәм ярдәм күрсәтү бүлеге тарафыннан  “Хузәйфә” мәчете территориясендә “Яхшылык – тормыш ул” ярминкәсе уздырылды. Күпләргә билгеле булганча, әлеге ярминкәгә “Апрель” тернәкләндерү үзәгендәге сәламәтлекләре чикләнгән авыру балаларның кул эшләре куелды, теләгән кешеләр аларны сатып алып, әлеге балаларга ярдәм күрсәтә алдылар. Ярминкә җәй айларында Казанның күп кенә мәчетләрендә булырга өлгерде. Шулай да “Хузәйфә”  мәчетен аеруча билегеләп үтәргә кирәк: әлеге мәчеткә җомга намазына 500дән артык халык йөри, уздырылган ярминкәдә дә күбесе катнашып, җәмгыятебезгә битараф түгелекләрен күрсәттеләр. Ярминкәнең уңышлы узуында мәчетнең имам-хатыйбы Ирек хәзрәт Мәхмүтовның роле аеруча зур: мәхәллә халкын ярминкәдә катнашырга җомга вәгазендә генә чакырып кына калмыйча,  ярминкә күргәзмәсе оештырылган урында да халык белән турыдан-туры аралашып, ярминкәнең төп максатын кешеләргә үтемле итеп җиткерә алды.

Хәйрия һәм ярдәм күрсәтү бүлеге җитәкчесе Гөлнара Садыйкованың сүзләренә караганда, “Яхшылык – тормыш ул” ярминкәсе бу елда үзенең эшчәнлеген шуның белән тәмамлый һәм киләсе ярминкәләр яңа 2012 елдан уздырыла башлаячак.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана