string(35) "http://dumrt.ru/news/news_7427.html"
25.08.2011 18:00

2011 елның 24 августында Мөфти Илдус хәзрәт Фәйзов Кайбыч район үзәгендә булып кайтты. Биредә ул район имамнары, мәхәллә халкы, район администрациясе башлыгы белән очрашты. Татарстан Мөфтие Илдус хәзрәт Фәйзов вәгазь укыганнан соң, ифтар мәҗлесе үтте.

Очрашуда шулай ук Татарстанның көньяк-көнбатыш регионы казые Фәһим хәзрәт Әхмәтҗанов, Апас районы имам-мөхтәсибе Мирхәт хәзрәт Җамалиев та катнаштылар.

Мөфти Илдус хәзрәт Фәйзов Кайбыч администрациясе башлыгы Җәүдәт Гаффаровка, район администрациясе катнашлыгында узган мондый мәҗлесләрне традициягә кертеп җибәрүе өчен, рәхмәтен җиткерде.