string(35) "http://dumrt.ru/news/news_7443.html"
12.08.2011 16:03

2011 елның 12 августында ТҖ МДНнең хәйрия һәм ярдәм күрсәтү бүлеге тарафыннан  “Рамазан” мәчете территориясендә “Яхшылык – тормыш ул” ярминкәсен уздырылды. Ярминкә “Апрель” реабилитацион үзәгендәге чикләнгән мөмкинчелеккә ия булган балаларның кул эшләреннән гыйбарәт иде. Оештырылган ярминкәдә һәркем катнашып, әлеге сабыйларга аз булса да шатлык өсти алды.

“Рамазан” мәчетенең имам-хатыйбы Солтан хәзрәт Морадимов әлеге ярминкәне үзләренең мәчет территориясендә уздыруга тәкъдим белән чыккан иде, киләчәктә дә төрле хәйрия акцияләрендә катнашу мөмкинчелеге булуын ассызыклады.

 “Хезмәтләренең кирәклеген тою, кемгәдер шатлык өстәү әлеге балалар өчен икеләтә юаныч, шуңа да мәчет территорияләрендә уздырылган мондый ярминкәләрдә халык күбрәк катнашсын, җәмгыятебезгә битараф калмасыннар иде”, дип билгеләп үтте хәйрия һәм ярдәм күрсәтү бүлегенең җитәкчесе Гөлнара Садыйкова.