string(35) "http://dumrt.ru/news/news_7468.html"
21.07.2011 13:06

7нче номерлы Казан икмәк заводы якын көннәрдә хәләл продукция җитештерә башлаячак.

Моның буенча Татарстан Җөмһүрияте Мөселманнарының Диния нәзарәтенең “Хәләл” стандартлары Комитеты җитәкчелеге һәм икмәк заводы арасында килешү төзелде. Комитетның белгечләре предприятиягә барып, җитештереләсе продукциянең Ислам кануннары буенча ничек эшкәртелергә тиешлеге турында мәгълүмат биреп  кайттылар. “Хәләл” комитеты предприятиягә хәләл продукциясен чыгару мөмкинчелеге биргән таныклык тапшырды.

Предприятия хәбәр иткәнчә, татарстанлылар “Җиде икмәк” маркасы астындагы продукцияне якын көннәрдә күрү бәхетенә ирешәчәкләр.

Чыганак: Инфо-Ислам