Каратун бистәсе мәчетенең имам-хатыйбы Азат хәзрәт Гайнуллин юбилеен билгеләп үтте

05 июль 2011 ел 12:23

2011 елның 5 июлендә Апас районының Каратун бистәсе мәчетенең имам-хатыйбы Азат хәзрәт Гайнуллин үзенең 70 яшьлек юбилеен билгеләп үтте. Азат хәзрәт – 90 еллар башында Татарстанда беренчеләрдән булып мөхтисибәт оештырган фидакарь затларның берсе. Ватаныбыз, милләтебез өчен яхшылыклар, изгелекләр кылып, күп еллар дәвамында шушы төбәкнең казые булып торды.

Юбилей тантанасында администрация вәкилләре, район имамнары, мәхәллә халкы белән берлектә Татарстанның баш казые Җәлил хәзрәт Фазлыев һәм ТҖ МДНнең гомум бүлек мөдире Ильяс хәзрәт Җиһаншин да катнаштылар.

Халкыбызга һәм динебезгә кылган хезмәтләре өчен, Азат хәзрәт Гайнуллин Татарстан Җөмһүрияте Мөселманнарының Диния нәзарәте исеменнән “Халкыбызга хезмәт өчен” медале белән бүләкләнде.

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана