string(35) "http://dumrt.ru/news/news_7513.html"
03.06.2011 17:14

2011 елның 20 маенда ТҖ МДНнә Джарката “Шәриф Хидиятулла” Ислам дәүләт университетыннан доктор Субарното Габдул Хәким җитәкчелегендә студентлар делегациясе килде. Студентлар Татарстандагы яшьтәшләренең тормышы, Россия мөселман берләшмәләренең проблемалары, Татарстандагы ислам инфраструктураларының үсеше белән кызыксыналар. Доктор Габдул Хәким әйтүенә караганда, алар  Татарстандагы дини сәясәт тәҗрибәсен, ислам яңарышын өйрәнергә килгәннәр. Очрашу барышында Индонезия һәм Татарстан мөселман яшьләренең күп кенә мәсьәләләрдә уртаклыклар булуы да ачыкланды – тиешле белем алу, яшьләр мохитендәге дини эктремизм белән көрәшү, үз Ватаныбызга яшь мөселман патриотлары тәрбияләү һ.б. Катнашучылар Ислам мәгарифе һәм яшьләр сәясәте буенча тыгыз аралышып, бергәләшеп эшләү кирәклегенә басым ясадылар һәм киләчәктә дә нәтиҗәле хезмәттәшлеккә теләк белдерделәр.