string(35) "http://dumrt.ru/news/news_8049.html"
19.09.2014 14:57

Бүген мөфти Камил хәзрәт Сәмигуллин Женевада Россиянең Берләшкән милләтләр оешмасының даими вәкиллегендә Швецариянең “Рождества Богородицы” чиркәве рухание, протоирей Михаил Гундяев белән очрашты. Очрашуда Татарстан Республикасы Президенты аппараты җитәкчесе урынбасары – Президентның Эчке сәясәт мәсьәләләре департаменты җитәкчесе Александр Терентьев, ТР МДНе аппараты җитәкчесе Ришат Хәмидуллин, Россия мөселман яшьләре берлеге рәисе Марсель Сабиров, Татарстан мөслимәләр берлеге рәисе Наилә ханым Җиһаншина катнашты.

Мөфти Михаил Гундяевка нәзарәтнең Казан Епархиясе белән хезмәттәшлеге хакында сөйләде. Үзара хезмәттәшлек кысаларында төрле дин вәкилләре катнашында уздырылган велоузыш, “Дуслык аллеясы” булдыру һәм бергәләп агачлар утырту кебек чараларны искә алды. Мөселман һәм православ яшьләр өчен уртак проектларның тормышка ашырылуы  үзара килешеп, тыныч яшәү хакында сөйләвен әйтте. Сөйләшү ахырында Камил хәзрәт әңгәмәдәшенә Татарстан мәчетләре һәм чиркәүләре турында фотолардан торган китап бүләк итте һәм республикага кунакка чакырды.