string(35) "http://dumrt.ru/news/news_8056.html"
20.09.2014 13:23

20 сентябрьдә мөфти Камил хәзрәт Сәмигуллин ястү намазыннан соң Цюрих шәһәренең җәмигъ мәчетенә йөрүчеләргә вәгазь сөйләде. Мөфти хәзрәтләре үзенең вәгазендә гыйлем туплау һәм галимнәрнең дәрәҗәләре хакында аңлатты. Коръән аятьләре, Пәйгамбәребез хәдисләре белән гыйлем төшенчәсен җиткерде. Мәчеткә җыелганнар Татарстан мөфтиен бирелеп тыңладылар.

Вәгазьдән соң Камил хәзрәт мәчет имамы белән күреште. Төрле илләрдә дини эшчәнлек алып баручы, динебезгә һәм мөселманнарга хезмәт итүче дин әһелләре үзара бик теләп, җылы аралаштылар. Чит илдәге мәчет мәхәлләсе мөселманнары Камил хәзрәткә вәгазе өчен рәхмәтләрен белдерделәр, Швецариядә янә күрергә өмет баглауларын әйттеләр.