Камил хәзрәт гаилә хокуклары белгече белән очрашты

22 сентябрь 2014 ел 17:41

Бүген Татарстан мөфтие Камил хәзрәт Сәмигуллин "Бәйт әл-Хибра" гаилә үзәге директоры һәм гаиләләр хокукы буенча белгеч, доктор Хәлид ибн Сауд әл-Хулейби (Согуд Гарәбстаны) белән очрашты. 

Очрашу барышында Камил хәзрәт Согуд Гарәбстанынан килгән кунакка нәзарәт эшчәнлеге турында сөйләде. Казанда гаилә кыйммәтләренә багышланган вәгазьләр сөйләнә һәм мөселманнар гаиләләре белән дини бәйрәмнәргә җыела торган Гаилә мәчете эшләве хакында җиткерде. 

Чит ил кунагы үз чиратында Гаиләләрне үстерү югары институты һәм Гаиләләрне саклау ассоциациясен җитәкләвен хәбәр итте. Мәгариф һәм рухи тәрбия өлкәсендә тәҗрибә уртаклашырга өмет баглавын белдерде.

22-23 сентябрьдә Хәлид ибн Сауд әл-Хулейби ​Россия ислам институтында гарәп телендә "Мөселман гаиләләрен ныгыту һәм гаилә конфликтларын чишү" дигән темага лекция укыячак. Әлеге дәрескә теләгән һәркем килә, керү ирекле. Белешмәләр өчен тел. 245-06-35 / 277-64-01

Дәресләр расписаниясе

22 сентябрь (РИИ, 320 ауд.)

11:00 -  лекция «Гаилә мөнәсәбәтләренә ислам карашы»

14:00 – тренинг «Гаиләне ныгыту ысуллары»

23 сентябрь (РИИ, 320 ауд.)

14:00 - «Гаилә конфликтлары һәм аларны чишү юллары»

 

 

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана