Олы хаҗ гыйбадәтләренә кадәр гомрә хаҗын башкаралар

26 сентябрь 2014 ел 21:08

25 сентябрьдә Казаннан “ДУМ РТ Хадж» программасы белән хаҗ сәфәренә китүчеләрнең 220 

кешедән торган беренче төркеме кичке алтыга Согуд Гарәбстанына барып җитте. Төркемнең бер 

өлеше шушы көнне үк Гомрә хаҗын кылды. Шулай ук бүген күпләр әлеге кече хаҗ гыйбадәтләрен 

башкарачак. Бу хакта безгә “Яңа гасыр” телеканалы “Нәсыйхәт” тапшыруының автор һәм алып 

баручысы Ләйсирә Фазлыева хәбәр итте. 

“Аллага шөкер, самолетта яхшы очтык. Җиддә аэропортына самолет кичке алтыга төште. Бераз 

иртәрәк тә булгандыр әле. Татарстан хаҗиларына 5 кунакханә әзерләнгән, көнгә берничә мәртәбә 

ашаталар. Һәр бүлмәдә кондиционер эшли. Көнкүреш шартлар яхшы, болай халәт өйдәге кебек. 

Бары гыйбадәт кылу, догалар уку турында уйларга, бар күңелеңне Аллаһы Тәгаләгә багышлап 

йөрергә генә кирәк. Биредә адым саен ихрам киемендәге ир-ат мөселманнар, якты йөзле 

мөслимәләрне очратабыз, бер-берсен ихтирам белән сәламлиләр. Күңелне рухландыра торган 

бик ихлас маназара. Бар җиргә төркем җитәкчеләре озатып йөри, адашырлык түгел дип уйлыйм. 

“Әл-харам” мәчетеннән кунакханәләр 3 чакрым ераклыкта, автобуслар бушлай даими йөреп 

тора”, -диде ул.

“ДУМ РТ Хадж” программасында олы хаҗ гыйбадәтләренә кадәр хаҗилар өчен тарихи урыннарга 

сәяхәтләр оештыру да каралган. Хәзерге вакытта Мәккәдә 50 градус эссе. Хаҗиларыбызга хаҗ 

гамәлләрен башкарырга Алла ярдәм бирсен һәм хаҗларын кабуллардан кылсын!

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана