Татарстан Республикасы Президенты Рөстәм Миңнехановның Корбан бәйрәме уңаеннан котлавы

04 октябрь 2014 ел 08:01

Хөрмәтле Татарстан мөселманнары! Кадерле ватандашлар! Сезне изге Корбан бәйрәме белән ихлас күңелдән котлыйм!

Бөек хаҗ тәмамаланган бу изге көннәрдә һәр мөэмин-мөселманның йөрәге куаныч һәм рәхим-шәфкатьле Аллаһка рәхмәт хисе белән тула.

Раббыбызга корбан китереп без тәүбә кылабыз, җаннарыбызны пакъләндерәбез, мәрхәмәткә ышанычыбызны ныгытабыз. Мохтаҗларны һәм фәкыйрьләрне ашатучы, хәйрия чаралары уздыручы һәркем гадел һәм туры юлдан атлый.

Республикабызда традицион диннәрне саклау һәм үстерү буенча күләмле эш алып барыла. Күп гасырлар буена тату һәм тыныч уртак гомер итүче төрле милләт һәм дин вәкилләре Татарстаныбызның иминлеге өчен кулга-кул тотынышып эшлиләр, республика тормышында актив катнашалар, заман куркынычларына бергәләп каршы торалар.

Бу көннәрдә меңләгән татарстанлылар хаҗ кыла. Аларның һәркайсы изге җирдә Аллаһы Тәгаләдән тынычлык, гаилә бәхете, мул тормыш, иминлек һәм хезмәтләрендә ярдәм сорап дога укый. Ходай аларның гыйбадәтләрен кабул итсен, барлык хаҗилар һәм хаҗияләр, рухи көч җыеп, туган җирләренә, якыннары янына сау-саләмәт килеш әйләнеп кайтсыннар.

Кадерле дуслар, матур теләкләрегез чынга ашсын, Аллаһ сезне ярдәменнән ташламасын. Корбан бәйрәме һәр өйгә тынычлык һәм муллык, тату һәм бәрәкәтле тормыш, җан җылысы һәм бәхет-шатлыклар алып килсен!

Татарстан Республикасы

Президенты Р.Н. Миңнеханов

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана