string(35) "http://dumrt.ru/news/news_8364.html"
27.10.2014 17:37

“Азан” –“Ислам авазы” интернет радиосы яңа тапшырулар циклын турыдан-туры эфирда барган  «Кстати говоря» рубрикасы белән ача.  Тыңлаучылар игътибарына республиканың алдынгы дин белгечләре белән кызыклы һәм актуаль темаларга багышланган әңгәмәләр тәкъдим ителәчәк. Тапшыруны radioazan.ru сайтының  «Сетевизор” бүлегендә тыңларга һәм карарга була.

Тапшыруның алып баручысы – Алмаз Әхмәтҗанов.

Студия кунаклары эфирга һәр атнаның дүшәмбе, сишәмбе һәм чәршәмбе көннәрендә 15 сәг. чыга.

Бүген Рөстәм хәзрәт Хәйруллин хиҗабка бәйле сорауларга җавап бирде. Сишәмбе көнне студия кунагы “ДУМ РТ ХАДЖ” программасы  җитәкчесе  Хәбибулла Нәфисуллин, ә чәршәмбе  мөфтинең беренче урынбасары Рөстәм хәзрәт Батыр булыр дип көтелә.