Ислам мәдәнияте музеенда “Мөнәҗәтләр һәм “Мөхәммәдия” китабын әйтү” кичәсе үткәрелде

28 октябрь 2014 ел 12:02

27 октябрьдә Кол Шәриф мәчетендә урнашкан  Ислам мәдәнияте музеенда “Мөнәҗәтләр һәм “Мөхәммәдия” китабын әйтү” кичәсе үткәрелде. “Мөкаддәс” ансамбле кызлары Лилия Җиһаншина һәм Гөлназ Җиһангирова халкыбызның рухи бер мирасы булган мөнәҗәтләрне башкардылар. Сәйдә абыстай Аппакова “Мөхәммәдия” китабы һәм динебез кыйммәтләре хакында сөйләде.

Мәшһүр  шагыйрь Мөхәммәд Чәләби (Языйчы угылы Мөхәммәд)  "Мөхәммәдия" дип атаган әсәрен өч елга якын иҗат итә, 1449 елның июль аенда язылып бетә. Ул нәгьт жанрында иҗат ителгән. Әдәбият белемендә нәгьт дип Мөхәммәд пәйгамбәрне (с.г.в.) мактап-мәдехләп язылган шигъри әсәрне атыйлар. Китапның башыннан азагына кадәр һәр вакыйга Мөхәммәд пәйгамбәрнең (с.г.в.) образын ачуга хезмәт итә. Тематик яктан "Мөхәммәдия" галәмнең яратылышын, пәйгамбәрнең тормыш юлын, "теге дөнья" күренешләрен үз эченә ала.
"Мөхәммәдия" китабы халкыбыз арасында кулъязма рәвешендә күпләп тарала, ә 1845 елдан Совет чорына кадәр басма китап буларак иң кимендә 24 тапкыр дөнья күрә.

"Мөхәммәдия" халык өчен дини энциклопедия функциясен үти, мәктәп-мәдрәсләрдә дәреслек буларак кулланыла. Белгечләр фикеренчә,  “Мөхәммәдия”не көйләп уку мөнәҗәт жанрының формалашуына нигез салган.

kazan-kremlin.ru сайты фотолары

Сурәт - 1
Сурәт - 2
Сурәт - 3
Сурәт - 4
Сурәт - 5
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана