string(35) "http://dumrt.ru/news/news_8376.html"
28.10.2014 14:21

Бүген, 28 октябрьдә, мөфти Кол Шәриф мәчетендә, танышу һәм хезмәттәшлекне дәвам итү турында сөйләшү ниятеннән, Төркиянең сентябрь аенда билгеләнгән Казандагы яңа генераль консулы Турхан Дилмач белән беренче мәртәбә рәсми төстә очрашты.

Алар  Төркиянең  ислам һәм вакыф эшләре буенча министрлыгы  белән  ТР МДН арасындагы хезмәттәшлеккә кагылышлы мәсьәләләр турында фикерләштеләр.

Камил хәзрәт Төркия вәкиленә яңа вазыйфаны башкаруда уңышлар теләде һәм Татарстан белән Төркия арасында рухи элемтәләр коруның, үзара хезмәттәшлек алып баруның мөһимлеген ассызыклады. Консулга “Хузур” нәшрият йорты чыгарган китапларны һәм Коръәннең “Казан басмасы”н бүләк итте.

Очрашу барышында Турхан Дилмач исә Татарстанны һәм республика халкын бик хөрмәт итүе турында сөйләде, Казанга билгеләнүенә шатлануы хакында әйтте.