string(35) "http://dumrt.ru/news/news_8457.html"
07.11.2014 16:13

6 ноябрьдә “Хәләл” стандартлар комитеты рәисе урынбасары Ирек хәзрәт Җиһаншин Ютазы районындагы “Фәнис” мәдрәсәсе шәкертләре белән очрашты. Ирек хәзрәт яшьләргә комитет эшчәнлеге турында кызыклы итеп сөйләде. Аннары студентларның күпләгән сорауларына җавап бирде. Сөйләшү барышында хәләл һәм хәләл булмаган ризык өстәмәләре, консервантлар турында да сүз барды. Хәләл маргарин һәм майонезга кагылышлы сораулар яңгырады. Ирек хәзрәт хәләл ризык һәм товар җитештерүче оешмалар  хакында да җиткерде.

Ахырда хәләл системасы белән якыннанрак танышырга теләүчеләр комитет хезмәткәренә үзләренең координаталарын калдырдылар.