Мөфти Камил хәзрәт Уфада

09 ноябрь 2014 ел 21:57

8 ноябрьдә Татарстан мөфтие Камил хәзрәт Сәмигуллин Россия мөселманнары Үзәк диния нәзарәте рәисе, шәйхелислам Тәлгать хәзрәт Таҗетдин чакыруы буенча 1436 хиҗри ел башлану һәм Идел буе Болгарында Ислам кабул итүгә 1126 ел тулу уңаеннан Уфада уздырылган тантанада катнашты.

Тантаналы кабул итүдә Мәскәү кунаклары – Ислам мәдәнияте, фәне һәм мәгарифенә ярдәм итү фонды директоры Александр Жданов, Россия Президентының Эчке сәясәт идарәсенең дини оешмалар белән эшләүче департаменты  җитәкчесе урынбасары Алмаз Фәйзуллин, шулай ук Россиянең төрле төбәкләре мөфтиләре, имамнары катнашты.

Камил хәзрәт очрашуда бабаларыбызның дин кабул итү тарихын искә төшерде һәм бүгенге көндә Татарстан җитәкчелегенең тарихи һәм рухи мирасны саклауга зур тырышлык куюын билгеләп узды. Моннан тыш мөфти чарада катнашучыларны киләсе ел башында Болгарда узачак Мәүлид бәйрәменә чакырды.  

Сурәт - 1
Сурәт - 2
Сурәт - 3
Сурәт - 4
Сурәт - 5

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана