“Ярдәм” тернәкләндерү үзәгендә суд приставлары булды

18 ноябрь 2014 ел 10:13

“Ярдәм” күрмәүчеләрне тернәкләндерү үзәге һәм Татарстан суд приставлары инде икенче ел тыгыз хезмәттәшлек итә. Әлеге үзек бөтен илгә билгеле һәм СНГ илләре арасында бердәнбер санала.

13 ноябрьдә биредә суд приставлары хезмәте вәкилләре, “Ярдәм” тернәкләндерү үзәге әгъзалары, иҗтимагый оешма һәм төрле тернәкләндерү фонд җитәкчеләре түгәрәк өстәлгә җыелды.

Очрашу халыкара күрмәүчеләр, бөтенроссия балаларга хокукый ярдәм күрсәтү һәм халыкара инвалидлар көннәре уңаеннан оештырылды.

Очрашуда катнашучылар каршында Россия суд приставлары Федераль хезмәте Татарстан Республикасы буенча идарәсе җитәкчесе урынбасары Голнара Әбдрәхмәнова чыгыш ясады. Әлеге хезмәтнең төп бурыч-максатлары турында сөйләде. Инвалидлар проблемасы белән шөгыльләнүчеләргә үзенең рәхмәтен белдерде.

“Ярдәм” фонды президенты Илһам Исмәгыйлев үз чиратында суд приставларына күрсәткән булышлыклары, хокукый ярдәмнәре өчен рәхмәт әйтте. Фондның бүгенге эшчәнлеге белән таныштырды.

Очрашу эчкерсез һәм дустанә мөгамәләдә узды. Катнашучылар кыенсынмыйча борчыган сорауларын бирде, алар буенча үзара фикер алышты.

Чара ахырында суд приставлары “Ярдәм” тернәкләндерү үзәгенә бүләкләр тапшырды.


 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана