Татарстан мөфтие Казахстан Мөселманнары Диния нәзарәтенең хәләл бүлеге җитәкчесе белән очрашты

12 декабрь 2014 ел 13:48

11 декабрьдә Татарстан мөфтие Камил хәзрәт Сәмигуллин Казахстан мөселманнары Диния нәзарәтенең хәләл бүлеге җитәкчесе Бәйбит Мырзагильдиев белән очрашты. Очрашуда шулай ук Татарстан мөфтие урынбасары, “Ярдәм” мәчете имам-хатыйбы Илдар хәзрәт Баязитов һәм ТР МДНнең халыкара мөнәсәбәтләр бүлеге җитәкчесе Хәйдәр Камалетдинов катнашты.

Очрашуда хәләл-индустрия өлкәсендәге төп тендецияләр, тәҗрибә уртаклашу һәм хезмәттәшлек мөнәсәбәтләре урнаштыру турында сүз барды. Кунакта ТР МДНнең “Хәләл” стандарт комитетының эшчәнлеге аеруча зур кызыксыну уятты.

Искәртеп үтәбез, Казахстан мөселманнары Диния нәзарәте күптән түгел “хәләл” маркировкасы астында чыгучы продукцияне стандартлаштыру һәм контрольда тоту эшчәнлегенә кереште. Моның турында Египетта күптән түгел хәләлгә багышланган фәнни конференциядә Казахстан мөфтие хәбәр иткән иде.

Бүген Казахстан кунакы “Хәләл” стандарт комитеты җитәкчелеге белән очраша. Визит кысаларында Бәйбит Мырзагильдиев хәләл продукция җитештерүче предприятияләр һәм “Бәхетле-Хәләл” супермаркетының эшчәнлеге белән танышыр дип көтелә.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана