Хоккей турнирында Сарман мөхтәсибәте командасы җиңде

09 февраль 2015 ел 10:44

7 февраль көнне Кукмараның “Олимп” боз сараенда мөселман яшьләре арасында хоккей турниры үтте. Ярышны ТР МДН һәм Кукмара районы мөхтәсибәте көче белән оештырылды.

Турнирда барлыгы 6 команда көч сынашты: ТР МДН вәкилләре, Казан, Кукмара, Түбән Кама, Сарман һәм Теләче мөхтәсибәте җыелмалары.

Уен мөфти Камил хәзрәт Сәмигуллиның  һәм Кукмара районы башлыгы  Сергей Димитриевның хәер-фатихасыннан, уңыш һәм матур уен теләп әйтелгән сүзләреннән соң башланып китте.

Якташлары өчен җан атарга бу көнне Кукмара халкыннан тыш, башка бик күп район вәкилләре җыелган иде. Кунаклар арасында Татарстанның баш казые Җәлил хәзрәт Фазлыев булды.

Һәр команда җанатарларының ышанычын акларга тырышты һәм уенның беренче минутларыннан ук турнирга җитди әзерлек белән килүләрен исбатлады.Уенны Теләче һәм Түбән Кама мөхтәсибәтләре командалары башлап җибәрде, ә турнирның финал өлешендә исә Сарман һәм Казан мөхтәсибәтләре уйнады. Нәкъ менә алар барлык көндәшләрен җиңеп, бертөрле балл җыя алды.

Хоккей турниры нәтиҗәләре буенча Сарман мөхтәсибәте командасы җиңүче дип табылды һәм күчмә кубокка ия булды. Икенче урында – Казан мөхтәсибәте, ә өченчедә – Кукмара мөхтәсибәте вәкилләре.

Шуны да әйтергә кирәк, ТР МДН җыелма командасы өчен Татарстан мөфтие Камил хәзрәт Сәмигуллин уйнады. Турнирда катнашучы уенчыларга грамоталар һәм истәлекле бүләкләр тапшырылды.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана