Әлмәт имамнары мөфти белән рухи мирасны торгызу һәм дини эшләр хакында сөйләштеләр

14 февраль 2015 ел 11:19

Бүген мөфти хәзрәтләре Әлмәт районына сәфәре кысаларында район башлыгы белән җирлектә яшәүче мөселманнар хакында сөйләште, аннары исә имамнар һәм шәкертләр янына юл тотты.

Мөфти Камил хәзрәт Сәмигуллин Әлмәттә уздырган дин әһелләре җыелышында Сарман, Азнакай, Мөслим, Чирмешән, Баулы, Лениногорск, Зәй имам-мөхтәсибләре дә катнашты.

Җыелыш Коръән аятьләрен укудан башланып китте. Камил хәзрәт районнарда дини эшләргә җаваплы  төп кешеләр - имам-мөхтәсибләрне, авыл мәчетләрендә эшләүче имамнарны татар халкының рухи мирасын торгызу һәм бу хакта халыкка җиткерү буенча эшләрне җитди оештырырга чакырды. Бигрәк тә дәгъват эшенә зур игътибар бирергә кирәклеген әйтте. Агымдагы елның Татарстан мөфтияте тарафыннан "Татар дин галимнәре елы" буларак уздырылуын искә төшерде. 

Мөфти кузгаткан икенче мәсьәлә -дини гыйбадәтләрне, йолаларны имамнар тарафыннан бердәм дини стандартларга таянып башкару. Бу тәртипләр ТР МДНнең Голәмәләр шурасы тарафыннан расланды. 

Имамнар үз чиратларында, мөфтигә районнардагы дини вәзгыять хакында җиткерделәр, үзләрен борчыган сорауларын җиткерделәр. 
Очрашу ахырында Әлмәт мөхтәсибәте, район имамнарына хөрмәт һәм мәртәбә күрсәтеп, чапаннар бүләк итте. 

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана