Сүрия дин эшләре министры галимнәр арасында хезмәттәшлек дәвам итүгә ышанычын белдерде

01 апрель 2015 ел 10:37

Мөфти Сүрия гарәп республикасының дин эшләре буенча министры, доктор Мөхәммәд Әбделсаттар Әс-Сәет белән очрашты. Әлеге очрашу ТР МДН делегециясенең Сүриягә эшлекле сәфәре кысаларында булды.

Очрашуда сүз мәгариф һәм фән өлкәсендә хезмәттәшлек итү юллары хакында барды. Татарстан мөфтие Камил хүәзрәт Сәмигуллин нәзарәт эшчәнлеге, яңа интернет проектлар, “Хузур” нәшрият йорты нәшер иткән китаплар хакында сөйләде. Шулай ук чит ил вәкилләренә мөфтият турында гарәп телендә эшләнгән ролик күрсәтелде. Мөфти бүгенге көндә татар дин галимнәре хезмәтләрен торгызу, өйрәнү эше хакында да әйтте һәм министрдан Сүрия китапханәләрендә сакланып калган татар дин галимнәре китапларын эзләүдә булышлык итүне сорады.

Министр үз чиратында конференциядә катнашулары өчен Татарстан дин әһелләренә рәхмәтен әйтте һәм алга таба да  Сүрия һәм Татарстан дин белгечләре арасында хезмәттәшлек дәвам итүенә ышанычын белдерде. Хөрмәтен күрсәтеп, Сүрия чапаннарын бүләк итте.

Сүриягә рәсми сәфәр кысаларында татар дин әһелләре танылган галим Нурутдин Итр белән очраштылар. Моннан тыш  бөек шәех Мөхетдин Ибн Әраби каберен зиярәт кылдылар һәм дога укыдылар. 

***

Мәгълүм булганча, бу көннәрдә Сүриядә “Мөхәммәд Сәет Рамазан әл-Бутый: аның карашлары һәм хезмәтләре” дип аталган конференция оештырылды. 

Конференция эшендә Татарстан мөфтие Камил хәзрәт Сәмигуллин, аның урынбасары, РИИ ректоры Рәфыйк Мөхәммәтшин, нәзарәтнең Голәмәләр шурасы әгъзасы, мөгаллим Рөстәм Нургалиев катнашты. 

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Сурәт - 7
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана