Чистай мөселманнарына хәләл турында сөйләделәр

17 апрель 2015 ел 14:56

Татарстан мөселманнары Диния нәзарәте һәм “Хәләл” стандарт комитеты вәкилләре Чистай шәһәре Яшьләр үзәгендә мәхәллә халкы белән очрашып, Россия мөселманнары яшәешендә хәләл һәм хәрәм темасына багышланган сөйләшү үткәрде.

Чарада Татарстан мөфтие урынбасары, РИИ ректоры Рафыйк Мөхәммәтшин, нәзарәтнең Голәмәләр шурасы әгъзасы, мөгаллим Рөстәм Нургалиев, “Хәләл” стандарт комитеты  рәисе урынбасары Фаат хәзрәт Мөхәммәтов катнашты.

Очрашу Коръән уку белән башланып китте һәм район имам-мөхтәсибе Алмаз хәзрәт Шәрифуллинның вәгазе белән дәвам итте. Очрашу барышында халыкны хәләл темасына күптән түгел уздырылган сораштыру нәтиҗәләре белән таныштырдылар. Тикшерүләр күрсәткәнчә, респондентларның яртысы гына (50%) хәләл турында белә, әмма бары 21% кына хәләл ризык белән туклана. Бу факт халыкны хәләл белән тагы да активрак таныштыру кирәклеге турында сөйли.

“Хәләл” стандар комитеты рәисе урынбасары Фаат хәзрәт оешманың тарихы белән таныштырды, “хәләл” тамгасы белән чыгучы продукциянең нинди төп таләпләргә җавап бирергә тиешлеген аңлатты.

Шуннан соң кунаклар халыкның күптөрле сорауларына җавап бирде.

Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана